CTE Public Relations

Communication ♦ Marketing ♦ Social Engineering

Medical Mission Serves 3 Hinterland Barangays

SA SAN FERNANDO, CEBU – 3 ka bukirang barangay medical mission natagad…

GIPADALA’G balik sa Solid Earth Development Corp. (SEDC) ang tulo ka managlahing medical mission sa bukirang bahin sa San Fernando, Cebu sa milabay nga pipila ka bulan.

Uban sa pakig-alayon sa Taiheiyo Cement Philippines, Inc. (TCPI), gisangkapan niini ang pipila ka mga mibolutaryo nga mitagad sa mokabat nga 1,958 ka mga lumolupyo nga halos magkalisud makabaton og medikal nga pagtagad.

Nangunay si Hiroyuki Sakakibara, direktor ug chief technical adviser sa SEDC, sa pagpahigayon sa maong mga misyon didto sa Barangay Ilaya, dayon sa Tañañas, ug didto sa Cabatbatan.

Natala sa mga misyon sa tulo ka barangay ag managsamang kaso sa kumong nga pag-ubo-ubo ug nanip-on, sakit sa ulo, tiyan ug lawas, artraytis, diabetes, hilanat, urinary tract infection, ug upper respiratory tract infection.

Cabatbatan MM-2
Miapil si Kazuhiko Ichizawa, tagduma sa planta TCPI, sa mga miboluntaryo didto sa Ilaya uban ni SVP for marketing nga si Takashi Miyashita, kinsa didto sab sa Tañañas uban sa iyang asawang si Yasuko ug dalagang anak nga si Masako.

“Hilabihang panaalangin” ang pagtan-aw ni Kapitan Tomas Baclaan sa Cabatbatan kabahin sa misyon sa SEDC alang sa 643 ka mga tagibarangay nga nakapahimulos niini, samtang gilauman niya nga padayonon pa sa kompanya ang pagtanyag og mga kaayuhan nila sa barangay.

Sa susamang pagpadayag,gihimug-atan ni Kapitan Casiano Canoy sa Tañañas ang kalahi-an sa SEDC ug TCPI sa pagka-manggihuna-huna-on niini alang sa pag-abag sa mga nanginahanglan.

“(Kami) nanghinaot nga buligan ug molambo pa ang inyong kompanya sa mga umaabot pa’ng mga panahon,” siya nagkanayon.

24,137 ka mga pasyente
Ilaya MM-2
Mapasalamaton ang iyang tagibarangay nga si Lucena Alia, 48, inahan sa unom, sa mga tambal nga nadawat niya ug sa iyang mga anak.

“Mason ra gayud akong bana, maong usahay dili nalang kami makagahin sa pagpalit og tambal tungod sa kawad-on ug mahal napod kaayo ang presyo karon sa mga tambal ug labaw na ang pagpakonsulta,” siya mipahayag.

“Daghan jud namo diri sa Tañañas ang mapasalamaton. Ang akong bana drayber sa multicab ug ang kita halos kuwangon ra para sa among pamilya,” mipadayag si Felisa Genelazo, 47, inahan sab sa unom nga nakabaton og mga bitamina.

Nakadayeg ang biyudang si Tening Abapo kay nakabataon na ang iyang lampayatot nga apong si Christopher, 8, og mga bitamina ug tambal alang sa iyang nagsige’g balikbalik nga ubo’g sip-on.

“Igo ra gyud unta mi sa mga dahon-dahon o’ herbal alang sa akong apo. Igo ra intawn ta sa pagtinda-tinda,” siya miingon. “Nanghinaot mi sa kalamboan sa kompanya para makatabang pa sa ubang kabos nga nanginahanglan.”

Nagsugod sa tuig 2005 ang nagsunodsunod nga mga misyong medikal sa mga barangay palibot sa gipamatigayunan sa SEDC ug TCPI nga nakapangalagad na og 24,137 ka mga pasyente.

Tañañas MM-2

About ctepr

Information

This entry was posted on April 13, 2018 by in Solid Earth, Taiheiyo Cement.
%d bloggers like this: