CTE Public Relations

Communication ♦ Marketing ♦ Social Engineering

SUPER BOARD ♦ Mga tinun-an, ilang kapamilya nananom og 3.5T ka mga kahoy sa Pinamungahan

Mga tinun-an, ilang kapamilya nananom og 3.5T ka mga kahoy sa Pinamungahan.


KAPIN sa 350 ka mga tinun-an gikan sa duha ka mga publikong tulunghaan sa elementarya sa bukirang Duangan, Pinamungahan nananom og 3,500 ka mga kahoy ni’ng bag-o pa lang.
Pinamungahan tree planting (3)-2

Nangulo si Kapitan Annette Navarro sa mga kauban niya sa konseho ug mga magtutudlo sa Duangan Elementary School ug Guimbawian Elementary School nga miuban sa mga kabataan sa pagpananom.

Pinamungahan tree planting (2)-2
Lakip sa ilang mga natanom ang Acacia, Acacia Auri, Caimito, Lanutan, Lomboy, Mahogany, Molave, Narra ug Tagilomboy, matod ni Mitzie Almira I. Carin, usa sa mga nagdumala sa Solid Earth Development Corp. (SEDC) nga mihatag sa mga linuyong.

Gipasiugda sa SEDC ang pagpananom, nga pagasundan pa og pipila nga susamang kalihukan, agi og pasiuna sa pagmina na unya nila’g mga materyales alang sa paghimo’g semento sa planta sa Taiheiyo Cement Philippines, Inc. (TCPI).

Nakapahigayon sab kini og pipilana ka mga medical mission alang sa mga kasilinganang lumolupyo sukad pa sa tuig 2013.

Pinamungahan tree planting (1)-2

Sa milabay nga 10 ka tuig, nakapananom na ang SEDC uban sa TCPI og kapin na sa 65 mil ka mga kahoy sa mga silingang barangay sa Bugho, Cabatbatan ug Magsico sa San Fernando asa kini nakamina na ug mipahiuli sa mga kanhi minahan
.

About ctepr

Information

This entry was posted on June 17, 2018 by in Solid Earth, Taiheiyo Cement.
%d bloggers like this: